آلفرآق صعب ...... لگنه حق

عضو ذهبي تاريخ التسجيل : 03/03/2009

أنا اليوم جايبه لكم قصة من كتابتي وكل يوم ان شاء الله بنزل لكم جزء بس لا تبخلوا علي بآراءكم تكفوا اول بأول اراءكم
وهذا الجزء الأول


	عندما تلتهي الحياة بما فيها .. عندما يتيتم الإنسان لفقده الحب.. يصبح يحب كل شيء أمامه حتى لو كانت الأرض التي يمشي عليها .. @@@ فتاة في السادسة عشر من عمرها كانت في الصف الأول ثانوي .. وفي أحد الأيام وفي شهر رمضان الكريم فتحت التلفاز على احدى القنوات الفضائية .. دانه حالها كحال أي فتاة في عمرها تحب متابعة التلفاز وبالذات المسلسلات وكانت أول يوم من الشهر الفضيل يعرض فيه المسلسلات الجديدة .. شاهدت دانه ذاك المسلسل الذي أعجبها لما فيه من قصة حب واقعية موجودة في مجتمعنا الحاظر ولا يستحيل حدوثها وليس أمام الحب شيئاً آخر في الحياة.. @@ كان في هذا المسلسل ممثل وسيم الشكل وله عيون زرقاء مثل ما يقولون جمال يوسف .. تعلقت به دانه تعلقاً كبيراً حتى أصبحت تحلم به أحلاماً لا يمكن ان تحدث واقعاً.. ضلت على هذه الحالة لمدة سنتان وهي لا تزال تحب ذاك الشخصوتدعي من قلبها أن يأتي ذاك اليوم الذي فيه يجتمعان مع بعضهما ولكن القدر يحتم نفسه .. صحيح مثلما يقولون ( الدعاء يرد القضاء) لكن في كثير من الأحلام التي يتمناها البنات في مرحلة المراهقة هدفهم الوحيد هو تحقيق مطالبهم بأي شكل وبأي صوره دون تعب أو مشقة أو حتى دون تفهم ما الذي يحدث أو أنه من المستحيل حدوثه وخصوصاً في هذه القصة أن دانه من جنسية سعوديه من الرياض وذاك الممثل المتعلقه فيه من الكويت والأعظم والأدهى أنه مسيحي يعني حتى لو انه تحقق مطلوبها لا يحصل ابدا وبالذات ان اهلها ملتزمين لكنها غير مباليه بهذا الشيء همها الوحيد الوصول اليه .. @@@ وبعد مرور ثلاث سنوات من وقوعها في هذا الحب الذي لا يطرأ على البال وعندها قد تخرجت من المدرسة لكنها لم تقبل في أي جامعة لأنها لم تكون نسبتها تؤهلها لدخول الجامعة فقضت حياتها في البيت دون دراسة وفي أحد الأيام .. نوف ( أم دانه ) : دانه يمى تعالي ابيك .. دانه وهي جالسة على الكمبيوتر : نعم يمى شوي .. وما تجي الا بعد ساعة وشوي نوف: جيتي .. الحمد لله على السلامة كان بعد كملتي قعدتك على الماسنجر أصلاً وشو له جايتني ألحين.. دانه : أوه يمه وش تبين ؟؟ نوف: سمعيني انتي مهوب فاضية لي عشان كذا بقول لك شي بس مهوب تطيحين علي لأني أنا بلحالي في البيت أبوك وخوك سليطين مهوب هنا .. دانه: خلصيني يمه أبي أروح .. البنت تنتظرني على المسن . نوف : اليوم جاك ولد أم محمد وطلبك من أبوك وهو خذ راي أخوك وعطوا الجماعة خبر انهم موافقين جهزي نفسك عاد .. دانه : وشو ؟؟ وش قاعدة تقولين ؟؟ محمد آخر زمن يتزوجني على زوجته .. نوف: لا مهوب محمد اللي طالبك .. يا بنيتي خالد اللي طالبك .. دانه : محمد والا خالد والا طاعون والا زفت .. يعني هم اللي يقروون وأنا ما عندي خبر .. نوف: ليه نسيتي انهم اولياء امرك ومسؤلين عنك .. دانه:بس أنا ما أبيه .. ما أحبه .. ما أبي أتزوج توني صغيره . نوف: أبوك عطى الجماعة خبر ما يصير اللي تقولينه .. دانه : ومتى العقد ان شاء الله ..!!! نوف: الخميس الجاي ان شاء الله .. دانه:انتي من صدقك يمه . قلت والله ما آخذه لو تنقلب السما على الأرض وما فيه أحد بالدنيا إلا هو ما أخذته .. نوف: بو سلطان أنت جيت من المسجد بو سلطان : ايوه .. شفيكم أصواتكم ليه آخر البيت .. شصاير .. نوف : تفاهم مع بنتك بو سلطان :وشفيك نوف حبيبتي .. دانه:...................... نوف: دانه مهو بموافقة على ولد ابو محمد بو سلطان : وشو تقول ؟ أنا ما عندب بنات يطلعون عن شوري دانه : بس يبه .. قاطعها سلطان : بس ولا كلمة أبوي قال اللي عنده وكلامه صح ..ومالك راي بعد ابوي بو سلطان وهو يعطيهم ظهره عشان بيدخل الغرفة بينام دانه: يبه اسمعني شوي .. بو سلطان : رفع يده ليسكتها وأنه واقع مع كل المقاومات دانه : والله لأخرب الحفلة وأقول قدام الناس ما أبيه وهذا أنا حلفت .. سلطان : اذا انتي قد الكلام اللي تقولينه سويه والله لأراويك وأنا ولد أبوي .. دانه كانت تخاف من سلطان لان ولد ابوه الوحيد ولانه عصبي لكنه ذكي وعاقل وكلمته مسموعة دانه: سلطان أنت أخوي تكفى افهمني شوي سلطان : أبدل وأجيك بالغرفة سبقيني خلني أشوف آخرتها معك دانه : ولا يهمك غالي والطلب رخيص في الغرفة سلطان : ممكن يا آنسة تفهميني وش القصة .. دانه : أقول بس توعدني ما تقول لأحد وما تفهمني غلط سلطان : قولي دانه : أخاف تفهمني غلط وتعصب وتحمق علي سلطان : دانه تراك طلعتيني من طوري قولي دانه : طيب . طيب يا سلطان أنا مهوب رافضته عشان انه من طرف ابوي أو أمي أو فيه شي بس مهوب عاجبني بس أنا توني صغيرة على الزواج ومتاعبة وعوار الراس ثاني شي لازم أساس الزواج الصحيح الحب وأنا ما أحبه ما أحبه أغصب نفسي يعني ليه أعرف نفسي يومين وبرجع مطلقة سلطان : مطلقة والله لأعدمك دانه : اسمعني بس سلطان: انتي اللي سمعيني أبيك تفهميني فيه أحد ببالك تحبينه وتقابلينه ومواعدك بشي دانه: طبعاً لا ويعني لو فيه بقولك مجنونه والله لتعدمني سلطان : زين انك عرفتي بعد المهم الحب يجي بعد الزواج فهمتي با بنت أقول اجهزي بكرة الملكة والحفلة معها وروحي بيت زوجك وفكينا من وجهك الشين دانه: سلطان.. أنا جايبتك تقنعهم والا توقف معهم سلطان: أنا مقتنع اللي يقوله ابوي يتنفذ بالحرف الواحد فهمتي دانه فاقدة الأمل : طيب يا خوي ما يصير خاطرك الا طيب وجاء يوم الخميس الساعة 6 المغرب ... وللأحداث بقية ............ انتظروووووووووالمزيد

بسمه تعالى
سلام عليكم
اشكرك كثيراا على الموضوع
وننتضرك ^__^

عضو ذهبي تاريخ التسجيل : 03/03/2009

مشكوره انشاء اله بكمل
بعد ابي ردود

عضو ذهبي تاريخ التسجيل : 29/07/2009

مشكور ننتظر القادم

عضو ذهبي تاريخ التسجيل : 03/08/2009 العمر : 26

انتظر التكملة لاكن مشكورة

عضو ذهبي تاريخ التسجيل : 30/07/2009 العمر : 26

مشكورة واجد وحبيت ابسرعة اتقولين تكملتها لان مشوقة لمعرفة الي باقي لان القصة اعجبتني واجد

عضو نشيط تاريخ التسجيل : 27/07/2009

مشكورة خيتو على القصة واجد حلوة القصة مشكورة مشكورة ماتقصرين